အလုပ်စလုပ်ရအောင်

အလုပ် စလုပ်ရအောင် ဆိုတော့ အလုပ်ရှိတဲ့သူတွေက ရီကြလိမ့်မယ်၊၊ ငါ့အလုပ်ငါသိတယ် လျှာမရည်နဲ့ ပြောရင်လည်း ခံရဦးမယ်၊၊

ဒါပေမယ် အလုပ်မရှိတဲ့သူ ကိုယ်အလုပ်ကို မသိတဲ့သူတွေကတော့ ဒုနဲ့ဒေး အများကြီးပဲ၊၊ အဲဒီ လူတွေကို ပြောချင်ချင်လို့ မှာချင်လို့ပေါ့ သူတို့ဘ၀တွေ အတွက်ပါ၊၊ အဲ ... ဆရာ လုပ်တာတော့ မဟုတ်ဘူးနော်၊၊ သတိ မထားမိတာလေးတွေကို အလင်းပေး ပြီးလမ်းပြချင်တာပါ၊၊ ဘာမှမလုပ်ရင် ဘာမှဖြစ်လာမှာမဟုတ်ဘူး ( To do nothing is the way nothing to do ) ကောင်းတဲ့ အလုပ်နဲ့ မကောင်းတဲ့ အလုပ်ဆိုတာရှိတယ်၊၊ ကိုယ်တိုင်လည်း ခွဲခြားသိမှာပေါ့ ကောင်း၊ မကောင်းကို။ ကောင်းတဲ့ အလုပ်ကိုပဲ ကောင်းတဲ့ သူတွေက လုပ်ချင်ကြတာပဲလေ။

အဓိက က လုပ်ချင်စိတ်ရှိလာဖို့ပဲ့။ လုပ်ချင်စိတ် ရှိလာအောင် ဘယ်လိုလုပ်ရမလဲ။ ကိုယ်ရဲ့စိတ်ကို တည်ငြိမ်အောင် အရင်ဆုံးလုပ်၊ ကိုယ်စိတ်က တည်ငြိမ်မယ်၊ အေးချမ်းမယ်၊ ပျော်ရွှင်နေမယ်။ စိတ်ထဲမှာ ဘာအနှောက်အယှက်မှ မရှိပဲ ရှင်လင်းနေမယ်ဆိုရင် ကိုလုပ်ရမဲ့ အလုပ်ကို ကောင်းကောင်း သိလာလိမ့်မယ်။ အလုပ် စလုပ်ရအောင် ဆိုတော့ ကိုလုပ်ရမယ့် အလုပ်ကိုသိဖို့လိုတယ်လေ။ ကိုယ်လုပ်ရမဲ့ အလုပ်ကို သိဖို့ကိုယ်စိတ်က ကြည်လင်နေဖို့ လိုလိမ့်မယ်။

စိတ်ကိုတည်ငြိမ်အောင် လုပ်လို့မရဘူးဆိုရင်တော့ တရားထိုင်ပစ်လိုက်။ ဒါအကောင်းဆုံး နည်းလမ်းပဲ။ တစ်နေ့ကို ၁၀မိနစ်လောက် ဖြစ်ဖြစ်ပေါ့။ ရအောင်လုပ်ရင် ရပါတယ်။ မဖြစ်နိုင်ဘူးဆိုတာမရှိပါဘူး။ ရတနာ(၃)ပါးကို စိတ်ထဲမှာ အမြဲဦးထိပ်ထား။

ပြီးရင် ကိုယ်လုပ်တဲ့ အလုပ်ရဲ့ အောင်မြင်မှု ရရှိလာရင် Forwhom ဘယ်သူအတွက်လဲ.။ ဘယ်သူအတွက် ဒီအလုပ်ကိုလုပ်တာလဲ။ မိဘအတွက်လား ဇနီးမယား၊ စားဝတ်နေရေး အတွက်လား ကိုယ်ကိုတိုင် အတွက်လား ... အဲဒါကို စိတ်ထဲမှာ သိတားဖို့ လိုအပ်တယ်လေ။ အဲဒီ ရည်မှန်းချက်၊ ရည်ရွယ်ချက်လေးရှိမှ အလုပ်လုပ်ရတာ အားပါမှာပေါ့... စိတ်ရဲ့ ခွန်အားပေါ့။

စိတ်လည်း တည်ငြိမ်ပြီ ကိုယ်လုပ်ရမဲ့ အလုပ်ကိုလည်းသိပြီ၊ ဘယ်သူ့ အတွက်လုပ်တယ်ဆိုတာလည်း သိပြီဆိုရင် လုပ်မယ့်အရာကို Decision ချလိုက်၊ ဘယ်အဆင့်က စလုပ်ရမယ်ဆိုတာကို လေးလေးနက်နက် စဉ်းစား။ အဆင့်လိုက်ကို အသးစိတ်စဉ်းစား.. အားနည်းချက်ကို ပြင်ဆင်ထား ။ ဒီအလုပ်မှာ ကိုယ်ထက် တက်ကျွမ်းတဲ့သူ ကိုမေးပါ ။ မေးဖို့ကို နှုတ်တွန့်မနေနဲ့ ကြောက်မနေနဲ့။ အခွင့်အရေး လက်လွတ်သွားမယ်။ နှစ်ခါမရဘူး။

ကြီးမားတဲ့ အားနည်းချက်တွေ့လို့ စိတ်ပျက် အားလျှော့ မသွားနဲ့။ စိတ်ဓါတ် ခိုင်မာနေရမယ်။ စိတ်ဓါတ် ကျသွားရင် ကျနေရင် စိတ်တည်ငြိမ်မှု ပြန်ယူလိုက်၊ ပြီးရင် စိတ်ရဲ့ ခွန်အားနဲ့ အားနည်းချက်ကို ပြန်ပြင်ဆင်ပါ ၊ အားနည်းချက် ပျောက်သွားလိမ့်မယ်။

လောဘကြီးပြီး စွတ်မလုပ်နဲ့၊ အမှားတွေ့တက်တယ်။ တက်နိုင်ရင် ဖြေးဖြေးမှန်မှန်ပေါ့။

အောင်မြင်မယ်လို့ စိတ်ထဲမှာ ယုံကြည်ချက် ရဲရဲကြီးထားလိုက်။ သေချာပေါက် အောင်မြင်လိမ့်မယ် ၊ သံသယ မရှိနဲ့။